«Ливерпуль» 96-дақиқадаги гол эвазига «Эвертон»ни мағлубиятга учратди

Англия чемпионатининг 14-туридан ўрин олган «Ливерпуль» – «Эвертон» учрашуви якунланди. «Энфилд»да бўлиб ўтган ўйинда мезбонлар минимал ҳисобдаги ғалабани қўлга киритишди.

Биринчи бўлим тенг курашлар остида ўтди, икки жамоада ҳам бир нечта қулай имкониятлар юзага келди. Айниқса бўлим ўрталарида меҳмонлар олдинга чиқиб олишлари мумкин эди, бироқ Андре Гомешнинг яқин масофадан берган зарбасини Алиссон мўжизавий сейв билан қайтариб қолди.

Иккинчи бўлимда устунлик мезбонлар томонида бўлди. Ҳакам томонидан қўшиб берилган вақтнинг сўнггисида қизиллар ўз мақсадларига эришдилар. Жордан Пикфорд майдон ташқарисига чиқиб кетаётган тўпни қайтариб қолди, натижада Дивок Ориги уни бўш қолган дарвозага йўллаб жамоасига муҳим ғалабани олиб келди.

Шу тариқа, «Ливерпуль» 36 очко билан Премьер-лига турнир жадвалида иккинчи ўринда кетмоқда, «Эвертон» (22) эса 6-поғонада бормоқда.

Ушбу учрашувда киритилган голни UFF.uz Media каналида томоша қилишингиз мумкин.

АПЛ, 14-тур

Ливерпуль – Эвертон 1:0 (0:0, 1:0)
Гол: 1:0 – 90+6 Ориги.

Ливерпуль – Алиссон, Гомес, Робертсон, Александер-Арнолд, ван Дейк, Вейналдум, Фабиньо, Шакири (Кейта, 71), Мане, Салах (Старридж, 75), Фирмино (Ориги, 84).

Эвертон – Пикфорд, Кин, Динь, Коулмэн, Мина, Бернард (Кэлверт-Льюин, 89), Андре Гомеш, Уолкотт (Лукман, 63), Сигурдссон (Зума, 90), Ришарлисон, Гуйе.

Огоҳлантиришлар: Шакири (33), Фабиньо (77), Гомес (80), Андре Гомеш (88), Сигурдссон (90).

Манба: www.uff.uz “Замин” янгиликларини “Одноклассники”да кузатиб боринг