Европанинг энг қиммат футболчилари эълон қилинди. Мессининг нархи қанча?

^{Фото: «SPORTARENA.com»}
«CIES Football Observatory» экспертлари Европанинг кучли беш чемпионатида тўп сурувчи энг қиммат футболчилар ТОП-100 рейтингини тузишди. Бунда уларнинг ёши ва шартнома муддатлари эътиборга олинди.

«ПСЖ»да тўп сурувчи 20 ёшли Килиан Мбаппе булар орасида энг қиммати — юқоридаги ташкилот француз ҳужумчисини 218,5 миллион еврога баҳолади.
«Тоттенҳэм» ҳужумчиси ва Англия терма жамоаси сардори Ҳарри Кейн иккинчи ўринда — 200,3 млн. евро. Неймар эса учинчи — 197,1 млн. евро.

Шубҳасиз, Лионел Месси ва Криштиану Роналду айни пайтда ҳам жаҳонда тенгсиз футболчилар. Бироқ ёши катталиги учун уларнинг нархи пасайган: масалан, Мессининг нархи 171,2 миллион евро (7-ўринда), Роналду эса ҳатто етакчи ўнликка ҳам киритилмади — 127,2 млн. евро (19-ўрин).

Энг қиммат ўйинчилар (ТОП-10)
1. Килиан Мбаппе («ПСЖ») — €218,5 млн;
2. Харри Кейн («Тоттенхэм») — €200,3 млн;
3. Неймар («ПСЖ») — €197,1 млн;
4. Раҳим Стерлинг («Манчестер Сити») — €185,8 млн;
5. Муҳаммад Салоҳ («Ливерпуль») — €184,3 млн;
6. Пауло Дибала («Ювентус») — €171,9 млн;
7. Лионел Месси («Барселона») — €171,2 млн;
8. Ромелу Лукаку («Манчестер Юнайтед») — €162 млн;
9. Филиппе Коутиньо («Барселона») — €157 млн;
10. Лерой Сане («Манчестер Сити») — €156,1 млн.

Янгиликлар