Нурмагомедов нима сабабдан Макгрегорга реванш бермаслигини айтди

Россиялик аралаш яккакураш жангчиси Ҳабиб Нурмагомедов ирландиялик Конор Макгрегор билан реванш жангини ўтказиш нияти йўқлигини маълум қилди.
“Яна нима учун унга реванш бериш керак? Ўтган жанг олдидан у жуда кўп гапирганди. Бироқ биз октагонга кирганимизда, унинг қўлидан ҳеч нарса келмади”, - деди Нурмагомедов.
Эслатиб ўтамиз, аралаш яккакураш бўйича жангчилар Нурмагомедов ва Макгрегорнинг катта можаро билан якунланган муштлашуви ўтган йил 6 октябрь санасида Лас-Вегасдаги T-Mobile аренасида ўтказилган эди.
Хабиб бўғувчи усулни қўллаб, ғалаба қозонганди. Аммо кейин октагон сеткасидан сакраб Макгрегорнинг спарринг-шериги Диллон Дэнис билан жанг уюштирганди. Шу туфайли унга нисбатан жарима санкциялари қўлланилган эди. «Замин»ни Telegram’да ўқинг!