Австралияга қарши ўйинга ҳам тобора оз вақт қоляпти. Эртага расмий тадбирлар, матбуот анжумани ва ўйинолди машғулот. Барчаси белгиланган режа асосида кетмоқда. Энг муҳими бош мураббийнинг аниқ мақсади, пухта режаси бор.
Бугунги машғулотлар жуда кўтаринки руҳда ўтди. Купер ва унинг ёрдамчилари футболчиларимизнинг руҳиятини кўтаришга, иштиёқини оширишга, бир жамоа бўлиб ҳаракат қилишга ундайдиган машғулотлар ўтказишди. Футболчиларнинг машғулотини кузата туриб, беихтиёр Сизнинг ҳам кайфиятингиз кўтарилиб кетарди.
Фишкалар билан қизиқарли ҳаракатлар, диққатни жамловчи машқлар, тезликни оширишга қаратилган вазифалар... Аммо мураббийлар кундуз куни меҳмонхона лоббисида ўзаро йиғилишганда, жиддий қиёфада суҳбатлашиб ўтиришганини кўриш мумкин. Соатлаб қолиб кетишади баъзан. Ўтган ўйинларнинг таҳлили амалга оширилиб, бўлғуси машғулотлар учун режалар муҳокама қилинади. Австралияга қарши ўйин тактикаси тузиб чиқилаётгани ҳам аниқ. Маҳмуд Фаёзнинг ноутбукида жуда кўплаб маълумотлар бор. Ана шу маълумотлардан фойдаланилади. Шунингдек, терма жамоа видеотаҳлилчиси Жамолиддин Солиҳовнинг ҳам жамоа қозонаётган ғалабаларида ҳиссаси катта. Ўрни келганда буни ҳам таъкидлаб ўтиш керак.
У ҳар бир ўйинимизни тасвирга олиб, кейин хато ва камчиликларни таҳлил қилиш учун махсус видеороликлар тайёрлаб беради. Бундан ташқари, рақиб жамоаларнинг ўйинларини топиб, уларнинг ҳимоядаги, ҳужумдаги ва қарши ҳужумдаги ҳаракатларини алоҳида-алоҳида кесиб, тайёрлаб, мураббийлар штабига тақдим қилади. Мураббийлар штаби ана шу видеолавҳалар ёрдамида рақибни кучли ва кучсиз нуқталарини ўрганиб чиқишади. Рақиб таркибидаги ҳар бир футболчи ҳақида хулоса қилинади.
Насиб қилса, амалга оширилаётган катта ҳажмдаги бу ишлар албатта ўз самарасини беради. Ҳар қандай рақибни мағлубиятга учратса бўлади. Ҳар қандай рақибни ожиз нуқтасини топиб, таслим этиш мумкин.
Шундай экан, 21 январь куни миллий терма жамоамиз аъзоларидан ёрқин ўйин ва ижобий натижа кутиб қоламиз. Юртимизда уларга кўз тикиб турган, футболчиларимизни қўллаб-қувватлаётган миллионлаб мухлисларимизнинг далдалари ва дуолари эвазига албатта ўз мақсадимизга етамиз!
Ёқубжон Бобожонов, ЎФА Матбуот хизмати
Ал-Айн, БАА
Ал-Айн, БАА
Манба: www.ufa.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Зеленский: Россия Украинанинг иссиқлик энергетикасини деярли тўлиқ яксон қилди
Бизнес имкониятингизни кенгайтиринг
Тадбиркорларга қўлланадиган молиявий жарима камайтирилади
Қондаги шакар миқдорини тартибга солувчи фойдали мева номи айтилди
