Осиё Кубоги чорак финали доирасидаги Вьетнам - Япония (0:1) учрашувидан кейин келиб чиқиши россиялик бўлган Вьетнам посбони Данг Ван Лам (асл исми Данг Лев Шонович) билан суҳбатлашдик.
Микст зонада унга рус тилида мурожаат қилганимизда у дастлаб хайрон қолди ва саволларимизга бажонидил жавоб қайтарди.
- Осиё Кубоги ҳақида нима дея оласиз?
- Бу мен учун биринчи катта мусобақам. Осиё Кубогидан олдин "Suzuki Cup" мусобақасида иштирок этиб, чемпион бўлгандик. БААда турнир эса умуман бошқа даражада.
Гуруҳ босқичида Ироқ, Эрон ва Яман билан ўйнадик. Вьетнам учун тарихий бўлган чорак финалга чиқдик. Бугун Япониядан қабул қилинган мағлубиятга қарамай барча футболчилар Осиё Кубогидаги иштирокимиздан хурсандмиз. Афсуски Японияга битта гол ура олмадик, аммо Япония бу барибир Япония. Япония бутунлай бошқа даража.
- Мусобақадаги сиз учун энг қийин баҳс қайси бўлди?
- Шахсан мен учун Эрон ва Япония билан учрашувлар оғир ўтди.
- Россияда туғилганингиздан хабар топдик. Фаолиятингиз билан қисқача бўлса ҳам танишиб чиқдик. Агар Россия ёки Украина клубларидан таклиф бўлганида кўриб чиқармидингиз?
- Нима учун йўқ. Барча ҳам уйига яқинроқ жойда ўйнашни истайди. Ота-онам Москвада яшайди. Аммо бу фақат менга боғлиқ бўлмаган ҳолат.
- "Хаи Понг" клуби билан яна неча йил шартномангиз бор?
- Йил охирида шартномам тугади ва мен яқиндагина Таиланднинг кўп карра чемпиони "Муангтонг Юнайтед" клуби билан шартнома туздим.
Дарвозабон биз Ўзбекистондан эканимизни билгач бизни ҳайрон қолдирган маълумотни айтиб қолди.
- Айтганча мен Ўзбекистон терма жамоаси дарвозабонлар мураббийи билан танишман.
- Ростданми? Денис Иванков биланми?
- Ҳа. У ажойиб мураббий. Умид қиламанки фаолиятим давомида у билан бирга ишлаш насиб қилади. Ўзбекистон гуруҳда японлар билан ўйнаганди, Иванков биз Япония билан ўйнашимизни билгач бу жамоа ҳақида баъзи маълумотларни берди. Рақиб футболчилари борасида фойдали маслаҳатларни айтди. Бугунги учрашув давомида унинг маслаҳатлари менга ас қотди. Шу боис унга катта раҳмат айтаман. Унга кейинги фаолиятида омад тилаб қоламан.
Нарзулла Сайдуллаев
Манба: championat.asia “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дубай ҳукмдорининг энг гўзал қизи қандай ҳаёт кечиради?
Нетаняҳу Исроил делегациясининг АҚШга сафарини бекор қилди
АҚШ расмийлари: Миллионлаб америкаликлар хитойлик ҳакерлар ҳужумига учраган
Ҳар куни кечқурун пиёда юриш организмда қандай ўзгаришларга сабаб бўлади?
АҚШ полициячиларининг «ақлли қарори» Legoга маъқул келмади
АҚШ Исроилдан юз ўгирдими? Нетаняҳу Вашингтонга бормайди
АҚШ элчиси: “Россия Украина пойтахтига гипертовушли ракеталар билан зарба берди”
Россия омбудсмани: “Дунё Москва яқинидаги теракт ташкилотчиларини топиш йўлида бирлашиши керак”