Ўзбекистон футбол ассоциацияси вице президенти Умид Аҳмаджонов яқинда берган интервьюсида миллий жамоа таркибини ёшартириш йўлидан бориш кераклиги ҳақида гапирган эди. Бу гап кимгадир ёқди, кимгадир эса йўқ. Жамоага кимни чақириш ваколати ва бунда ўйинчининг паспортига қараш ёки қарамаслик фақат бош мураббийнинг ихтиёрида бўлиш ё бўлмаслиги ҳақида ҳозир гап сотмоқчи эмасман. Бу борада қарашларни ўзимда сақлаб тураман ва шунчаки бир нарсани эътиборингизга ҳавола этмоқчиман.
Миллий жамоани март ойида навбатдаги йиғин ва халқаро мусобақа кутиб турибди – Хитойда China Cup бўлиб ўтади. Аммо бу мусобақа давомида ёшартириш ҳақида ўйлашга ҳам ҳожат қолмайди. Чунки ёшларни ундан-да муҳимроқ турнир кутиб турибди – Осиё чемпионати саралаши. Ушбу саралаш Тошкентда, 22-26 март саналарида бўлиб ўтади ва Ҳиндистон, Покистон ва Тожикистон меҳмонимиз бўлади. Хитойдаги мусобақа ҳам худди шу вақтга белгиланган.
Демак, China Cup'да таркиб ёшармайди. Чунки ёшартириши лозим бўлган олимпиячилар ўзи муҳимроқ иш билан банд бўлади. Шундай экан, Рустам Ашурматов, Акром Комилов, Владимир Козак ва Виталий Денисовлар учун бу жуда яхши имконият. Ҳа-я, Осиё Кубогида захирада қолиб кетган Одил Ҳамробеков учун ҳам.
Ўзи шу футболчилар сафга қўшилса, ёшартиришга ҳожат қолармикан? А, лаббай...
Зафар ҚОСИМОВ
Манба: uff.uz “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди