Таиланднинг Бангкок шаҳрида Осиё Олимпия Кенгашининг 38-Бош Ассамблеяси ўз ишини давом эттирмоқда. Ушбу тадбир давомида мутасаддилар қатор масалаларни кўриб чиқишмоқда. Бу ҳақида МОҚ хабар беради.
Жумладан, 2022 йили Хитойнинг Ханчжоу шаҳрида бўлиб ўтадиган навбатдаги Осиё ўйинларида Океания мамлакатлари ҳам иштирок этадиган бўлди. Бош Ассамблея иштирокчилари Океания мамлакатларини ҳам қитъамиз спорт байроғи остида бирлаштириш учун ушбу қарорни маъқуллашди.
Бундай жараён 2017 йили Туркманистон пойтахтида ўтказилган ёпиқ иншоотлардаги ва жанговор спорт турлари бўйича ўтказилган Осиё ўйинларида синовдан ўтказилган. Ўша мусобақада Океания мамлакатларидан Фижи 1 тадан олтин ва кумуш медалларини жамғариб, ушбу минтақа вакиллари орасида етакчи бўлганди.
“Океания ва Осиё кўплаб жиҳатларда бир-бирига жуда яқин. Ана энди спорт бўйича бирлашмоқдамиз. Бу янгиликни эълон қилишдан бошимиз кўкка етди”, – дейди Океания Миллий олимпия қўмитаси президенти Робин Митчел.
Шу тариқа 2022 йили Хитойнинг Ханчжоу шаҳрида бўлиб ўтадиган навбатдаги Осиё ўйинларида қитъадошларимиз қаторида Океания мамлакатларидан ташриф буюрадиган атлетлар ҳам медаллар учун баҳс олиб боришади. Бироқ Океания мамлакатлари қайси спорт турларида ва қанча спортчи билан иштирок этиши борасида якуний қарор қабул қилинмади. Шунингдек, анжуман давомида бокс ва академик эшкак эшиш спорт турлари бўйича Олимпия йўлланмаларини берадиган мусобақаларни икки минтақа спортчилари учун бирга ўтказиш масаласи ҳам кўриб чиқилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Сирдарёда бюджетга жуда кўп миқдорда зарар етказган майнинг ферма аниқланди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди