Европа Чемпионлар лигасининг 1/8 финал жавоб баҳсидан ўрин олган «Ювентус» – «Атлетико» учрашуви ўз ниҳоясига етди. «Альянц Стэдиум»да бўлиб ўтган ўйинда мезбонлар йирик ғалабани қўлга киритишди.
Учрашув кутилганидек туринликларнинг қатор ҳужумлари билан бошланди, майдон эгалари 5-дақиқада ҳисобни очишганди. Бироқ ҳакам ҳужум пайтида қоида бузилганини қайд этиб, голни бекор қилди.
Мезбонларнинг кетма-кет уринишлари 27-дақиқада ўз самарасини берди. Криштиану Роналду жарима майдонига узатилган тўпни боши билан дарвозага жойлаб қўйди.
Мадридликлар бўлим сўнггига бориб бироз жонланишди ва тўп назоратини қўлга олишга уринишди. Бироқ рақиб дарвозаси олдида айтарли вазият ярата олмадилар.
Иккинчи бўлимда ҳам устунлик «Юве» томонида бўлди. Туринликлар тезкор гол уришга муваффақ бўлишди. Роналду яна иккинчи қаватда биринчи бўлди ва дарвозани ишғол қилди.
Голдан сўнг Аллегри шогирдлари босимни оширишди, бироқ учинчи голни уришга қийналишди. Ўйин якунланиши арафасида Федерико Бернардерски ҳимоячиларни ортда қолдирган ҳолда жарима майдонига ёриб кирди, уни ҳимоячилар қўполлик билан тўхтатиб қолишди. Натижада белгиланган пенальтини Роналду аниқ бажариб, хет-трикни нишонлади.
Қолган дақиқаларда меҳмонлар харчанд уринишмасин ҳисобни йўққа чиқара олишмади.
Шу тариқа, «Ювентус» биринчи ўйиндаги натижани йўққа чиқариб, чорак финалга йўл олди.
Чемпионлар лигаси
1/8 финал, жавоб баҳси
Ювентус Италия – Атлетико Испания 3:0 (1:0, 2:0)
Голлар: 1:0 – 27 Роналду, 2:0 – 49 Роналду, 3:0 – 86, пенальти Роналду.
Ювентус – Шченсни, Кьеллини, Бонуччи, Жоау Канселу, Джан, Спинаццола (Дибала, 67), Матюиди, Пьянич, Бернардески, Манджукич (Кин, 80), Роналду.
Атлетико – Облак, Хименес, Хуанфран, Арьяс (Витоло, 77), Годин, Коке, Родри Эрнандес, Сауль, Лемар (Корреа, 57), Мората, Гризманн.
Огоҳлантиришлар: Бернардески (64), Хуанфран (73), Хименес (86), Витоло (90).
Илк ўйин – 0:2
Манба: www.uff.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Велосипедда сайр қилиш учун 3 сабаб: ёшартиради, оздиради ва умрни узайтиради
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Америкалик олимлар барча учун бирдек фойдали жисмоний фаоллик турини аниқлади
