«Манчестер Юнайтед» ва «Манчестер Сити» бугун Англия кубоги ярим финалига чиқиш учун майдонга тушади

16 март, шанба куни футбол бўйича Англия Кубогининг 1/4 финали баҳсларига старт берилади.
Англия премьер лигасида етакчилик қилаётган «Манчестер Сити» сафарда «Суонси»ни синовдан ўтказади. Учрашув Тошкент вақти билан соат 22:20 да бошланади.

Эслатиб ўтамиз, «шаҳарликлар» мусобақанинг нимчорак баҳсида Англиянинг 3-дивизионида тўп сурадиган «Ньюпорт Каунти»ни мағлубиятга учратганди (4:1).

Шу куни Оле-Гуннар Сульшер қўл остидаги «Манчестер Юнайтед» клуби меҳмонда «Вулверҳэмптон» билан баҳсга киришади. Беллашув тунги соат 00:55 да старт олади.

Таъкидлаш жоиз, «қизил иблислар» мазкур мусобақанинг 1/8 финалида Лондоннинг «Челси» жамоаси устидан 2:0 ҳисобида ғалаба қозонганди.

1. «Суонси»—«Манчестер Сити» 22:20
2. «Вулверҳэмптон»—«Манчестер Юнайтед» 00:55 «Замин»ни Telegram’да ўқинг!