Хуршидбек Норматов навбатдаги жангида ҳам рақибини мағлуб этди

АҚШнинг Нью-Йорк шаҳридаги «Сони Ҳалл» саройида бўлиб ўтган бокс кечасида супер ўрта вазнда Ўзбекистон шарафини ҳимоя қилаётган Хуршидбек Норматов ва Кэлвин Меткалф (АҚШ) ўртасида рейтинг жанги ўтказилди.

6 раундга мўлжалланган ушбу Хуршидбек – Кэлвин баҳсида ҳакамлар қарорига (60:53, 60:53, 60:53) кўра 26 ёшли ўзбекистонлик боксчининг қўли баланд келди.

Маълумот учун айтиш жоизки, Хуршидбек проф рингдаги ўзининг саккизинчи жангини ўтказиб, зафар қозонди. Ғалабаларининг учтасида эса рақибларини нокаутга учратган.