09:50 / 24.04.2019
2 758

Надия Дусанова баландликка сакраш бўйича Осиё чемпионлигини қўлга киритди

Надия Дусанова баландликка сакраш бўйича Осиё чемпионлигини қўлга киритди
Қатар пойтахтида ўтказилаётган енгил атлетика бўйича Осиё чемпионатида терма жамоамиз вакилларининг муваффақиятли иштироки давом этмоқда.
Миллий олимпия қўмитаси хабарига кўра, атлетларимиз навбатдаги медалларини баландликка сакраш секторида қўлга киритишди.

Қитъада тенгсиз ҳисобланадиган Светлана Радзивил ҳамда Надия Дусанова Доҳада ҳам бирга шоҳсупага кўтарилишди. Мазкур қитъа чемпионатида ғолиблик Надия Дусановага насиб этди. Ҳамюртимиз олтин медални қўлга киритиши учун 1.90 метр баландликдан ошиб ўтиши талаб этилди.

Светлана Радзивил бу сафар бронза медали билан чекланди. Юртдошимиз қозоғистонлик рақибаси билан бирга бир хил 1.88 метр натижа қайд этган бўлса ҳам, уринишлар бўйича қўшни мамлакат вакиласи устунлик қилди.

Шу тариқа мазкур мусобақада терма жамоа вакилларининг жамғарган медаллари 3 та олтин ва 1 та бронзага етди. Бугун мусобақанинг сўнгги кун беллашувлари ўтказилади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Надия Дусанова баландликка сакраш бўйича Осиё чемпионлигини қўлга киритди