Франция Кубогида «ПСЖ»нинг гегемонлигига чек қўйилди (фото, видео)

Сен-Денидаги «Стад де Франс» стадионида Франция Кубоги финали ўтказилиб, унда «Ренн» — «ПСЖ»ни пенальтилар сериясига кўра мағлуб этди — 6:5.

Ўйинда ҳисобни «ПСЖ» ҳимоячиси Дани Алвес очганди, у 13-дақиқада жарима майдонидан ташқаридан кучли зарба йўллаб гол урди.

Quel but de Dany Alves !!! 1:0 #PSG ? #Rennes #SRFCPSG
?? #AllezParis pic.twitter.com/UvRqhtNK5B
— Franck Ladriere News ?? (@GirardinExpert) April 27, 2019

Биринчи бўлим ўрталарида Неймар парижликлар жамоаси устунлигини мустаҳкамлади.

Neymar with a cheeky dinky dink to make it 2-0 PSG. The Brazilians are having fun ?? #SRFCPSG pic.twitter.com/wpgK0DGV3B
— GFFN Match Zone (@GFFNMatchZone) April 27, 2019

40-дақиқада «ПСЖ» ҳимоячиси Преснел Кимпембе ўз жамоаси дарвозасини ишғол этиб қўйди. Иккинчи бўлим ўрталарида «Ренн» ҳимоячиси Мешер мувозанатни тиклади.

Ўйинга қўшиб берилган иккита 15 дақиқали бўлимларда мухлислар гол кўришмади. 118-дақиқада парижликлар ҳужумчиси Килиан Мбаппе майдондан четлатилди. Пенальтилар сериясида «Ренн» футболчилари аниқроқ ҳаракат қилишди — 6:5.

Парижликлар сафида олтинчи бўлиб нуқтага яқинлашган Стефан Нкунку хатога йўл қўйди.

Шу тариқа, бир ой ичида иккинчи марта «ПСЖ»ни енгган «Ренн» (ички чемпионат доирасидаги ўзаро учрашувда парижликлар 1:5 ҳисобида мағлуб бўлишганди) ўз тарихида учинчи марта Франция Кубогини қўлга киритди. Қизил-қоралар бу турнирда 1965 ва 1971 йилларда ғолиб бўлишган. Бу борада францияда рекордчи клуб «ПСЖ» ҳисобланади — 12 соврин. Клуб кейинги 4 йилда бу совринни ҳеч бир клубга бермаганди (1982, 1983, 1993, 1995, 1998, 2004, 2006, 2010, 2015, 2016, 2017, 2018).

Франция Кубоги
Финал
Ренн – ПСЖ 2:2 (1:2, 1:0, 0:0, 0:0), пенальтилар бўйича - 6:5
Голлар: 0:1 – 13 Дани Алвес, 0:2 – 21 Неймар, 1:2 – 40, автогол Кимпембе, 2:2 – 66 Мешер.
Ренн – Коубек, Да Сильва, Бенсебайни, Траоре, Мешер, Бен-Арфа, Андре, Буриго (Леа Силики, 105), Гренье, Сарр, Ньянг.
ПСЖ – Ареоля, Кимпембе, Маркиньос, Бернат, Дани Алвес, Дракслер (Кавани, 90), Верратти, Ди Мария (Паредес, 75), Дагба (Диаби, 105; Нкунку, 120), Неймар, Мбаппе.
Пенальтилар серияси: 1:0, 1:1, 2:1, 2:2, 3:2, 3:3, 4:3, 4:4, 5:4, 5:5, 6:5.
Огоҳлантиришлар: Гренье (24), Верратти (29), Неймар (44), Ди Мария (55), Мешер (68), Буриго (71), Паредес (95), Андре (97), Ньянг (107), Бенсебайни (112), Леа Силики (118).
Четлатиш: Мбаппе (118).

Манба: Kun.uz

Янгиликлар