Европа Чемпионлар лигаси ярим финал илк баҳсидан ўрин олган "Барселона" – "Ливерпуль" учрашуви ўз ниҳоясига етди. “Камп Ноу”да бўлиб ўтган баҳсда мезбонлар йирик ҳисобдаги ғалабани қўлга киритишди.
Учрашув икки томоннинг ҳам қатор ҳужумлари билан бошланди. Тайм ўрталарига қадар икки жамоада ҳам бир қатор имкониятлар бўлди. Айниқса меҳмонларнинг ҳужумлари жуда хавфли бўлди. Бироқ биринчи бўлиб гол уриш майдон эгаларига насиб этди.
26-дақиқада каталонларнинг комбинацияси гол билан якунланди, Хорди Альбанинг узатмасидан сўнг Луис Суарес тўпни дарвозага тўғирлаб юбориб, ҳисобни очди. Голдан сўнг инглизлар янада ҳужумга зўр беришди, мезбонлар эса қарши ҳужумда ҳаракат қилишди. Аммо танаффусга қадар ҳисоб бошқа ўзгармади.
Иккинчи бўлимни мерсисайдлар фаол бошлашди, таймнинг илк декадасида тер Стеген жамоасини уч бор муқаррар голдан сақлаб қолди. Бўлим ўрталарига яқин мезбонлар ўзларига келишди ва ўйинни ўз жарима майдонларидан узоқлаштиришди.
75-дақиқада мезбонларнинг кам сонли ҳужумларидан бири голга айланди. Луис Суареснинг зарбасидан сўнг тўп дарвоза тўсинига тегиб қайтди, уни Лионель Месси бўш қолган дарвозага жойлаб қўйди.
82-дақиқада Месси жарима зарбасини қойилмақом ижро этиб, ҳисобни йирик кўринишга олиб келди. Мазкур голга меҳмонлар дарҳол жавоб қайтаришлари мумкин эди, бироқ Муҳаммад Салоҳ бўш қолган дарвозани аниқ нишонга ола билмади.
Қолган дақиқаларда меҳмонлар ҳарчанд уринишмасин ҳисобни ўзгартира олишмади ва “Барса” жавоб баҳси олдидан жуда қулай имкониятга эга бўлди.
Чемпионлар лигаси
1/2 финал, илк ўйин
Барселона Испания – Ливерпуль Англия 3:0 (1:0, 2:0)
Голлар: 1:0 – 26 Суарес, 2:0 – 75 Месси, 3:0 – 82 Месси.
Барселона – тер Стеген, Пике, Альба, Серхи Роберто (Аленья, 90), Лангле, Ракитич, Бускетс, Видаль, Коутиньо (Нелсон Семеду, 60), Месси, Суарес (Дембеле, 90).
Ливерпуль – Алиссон, Матип, Робертсон, Гомес, ван Дейк, Кейта (Хендерсон, 24), Фабиньо, Вейналдум (Фирмино, 79), Милнер (Ориги, 85), Мане, Салах.
Огоҳлантиришлар: Лангле (39), Фабиньо (81), Суарес (81), Альба (86).
Мессининг жаримадан урган голини томоша қилинг:
“Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
“Хуфёна иқтисодиётга қарши кураш иллюзияси” — Солиқ қўмитасининг режалари нега танқидга учради?
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди