«Андижон» клуби россиялик мутахассис Александр Хомяковни расман бош мураббий сифатида эълон қилди. Бу ҳақда клуб матбуот хизмати хабар бермоқда.
«Вилоятда миллионлар ўйинига бўлган юксак эътибори, жамоамизни доимий равишда қўллаб-қувватлаши, ҳар бир уй учрашувларимизга шахсан ташриф буюриши табиийки андижонлик минглаб ашаддий мухлисларни қувонтирмоқда. «Андижон» жамоасининг натижасига бефарқ бўлмагани учун ҳам клубимиз президенти бош мураббий масаласини зудлик билан кўриб чиқишни, лозим бўлса хорижлик малакали мутахассисни жалб этиш ва бу орқали ижобий натижаларга эришиб, Андижон халқини хурсанд қилиш бўйича топшириқ берди.
Шундан сўнг клуб раҳбарияти бир қатор тажрибали мураббийлар билан музокарага киришди ва якунда россиялик таниқли мураббий Александр Хомяков номзодида тўхталишга қарор қилди.
Ишқибозларга яхши маълумки, сўнгги 10 йилни Муборак «Машъал» жамоасида самарали ўтказган Александр Андреевич мамлакатимиз футболида ўзига яраша ҳурмат қозонган мутахассислардан биридир. Энг аввало ички имкониятдан фойдаланиб, маҳаллий кадрларни етиштириб боришга ҳаракат қиладиган Хомяков «Андижон»да ҳам ушбу фалсафасидан фойдаланишни режалаштирган!», - дейилади клуб хабарида.
Ўтган мавсумда Про-Лигада чемпион бўлиб юқори лигага қайтган «Андижон»ни мавсум бошида Элдор Сакаев бошқарган, аммо қониқарсиз натижалар туфайли у истеъфога чиқарилган эди. Сўнгги турларда «бургутлар»ни катта мураббий Жамшид Саидов вақтинчалик бошқариб турганди.
«Андижон» 10 турдан кейин 8 очко билан 11-ўринда жойлашиб турибди.
Александр Хомяков 2009 йилдан буён «Машъал»ни бошқариб келаётган эди. У муборакликлар жамоасини 318 ўйинда майдонга олиб тушган ва уларнинг 131 тасида ғалаба қозонган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Туркия Исроил президенти самолётини ҳаво ҳудудига киритмади
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Тюмен областига Ўзбекистондан меҳнат мигрантлари ишга жалб қилинади
Ким Чен Ин ҳарбийларни жанговар ҳолатда туришга чақирди
Ижтимоий тармоқлар даврида руҳий саломатликни қандай сақлаш мумкин?
КХДР Россияга 100 минггача ҳарбий юбориши мумкин
Омега-3 қандай қилиб озишга ёрдам беради?
Глобал очлик ва қашшоқликка қарши кураш алянсига 82 мамлакат аъзо бўлди
