“Бухоро” хориждан мутахассис олиб келмоқчи

Суперлиганинг ортда қолган 10-туридан сўнг 7 очко билан турнир жадвалида 13-ўринни эгаллаб турган “Бухоро”да ўзгаришлар рўй бериши кутилмоқда.

Бахтиёр Ашурматов ўз хоҳишига кўра, истеъфога чиққан эди. Шундан сўнг клубнинг ёшлар мураббийи Мирислом Ҳасанов вақтинчалик “Бухоро”ни бошқараётганди.

Олган маълумотларимизга кўра, клуб россиялик мутахассислардан бирини “Бухоро”га таклиф қилмоқчи. Андрей Гордеев номли мутахассис клубнинг янги бош мураббийи этиб тайинланиши мумкин.

Аввалроқ клуб Александр Хомяков, Сергей Лушчан, Шуҳрат Мақсудов, Игорь Шквирини сингари мутахассисларнинг номзодларини ҳам ўрганиб чиқаётганди. “Zamin”ни Telegram'да ўқинг!