Даврон Файзиев ЎФА Матбуот ва медиа департаменти директори этиб тайинланди

  • 09 июль 2019, 16:36
  • 590
  • Спорт
  • Даврон Файзиев ЎФА Матбуот ва медиа департаменти директори этиб тайинланди
    Таниқли шарҳловчи Даврон Файзиев ЎФА Матбуот ва медиа департаментига раҳбарлик қиладиган бўлди.

    Ассоциация хабарига кўра, ташкилотнинг ОАВ билан ишини янада самарали йўлга қўйиш, матбуот ва медиа департаменти иш фаолиятини яхшлаш, терма жамоалар ва ўзбек футболига оид янгилик ва хабарларнинг тезкорлик билан холис тарзда етказиб берилишини таъминлаш мақсадида шундай қарорга келинган.

    ЎФА вице-президенти Равшан Эрматов ушбу тайинловга қуйидагича муносабат билдирган.

    «Ўзбек футболини ривожлантириш йўлида ЎФАнинг ҳар бир департаментида ўз ишининг профессионаллари фаолият олиб бориши талаб этилади. Шу боисдан Ўзбекистон футбол ассоциациясининг ОАВ ва мухлислар билан ўзаро алоқаларини янги босқичга олиб чиқилиши, турли ёшдаги терма жамоаларимизнинг фаолияти тўлиқ хамда кенг ёритилишини таъминлашда ушбу соҳанинг етук мутахассисларидан бири саналувчи Даврон Файзиевга ишонч билдирамиз», – деган Эрматов.

    » » Даврон Файзиев ЎФА Матбуот ва медиа департаменти директори этиб тайинланди