«Бухоро» канадалик ва тожикистонлик легионерни ўз сафига қўшиб олди

  • 14 июль 2019, 23:23
  • 676
  • Спорт
  • «Бухоро» канадалик ва тожикистонлик легионерни ўз сафига қўшиб олди
    Фото: «Бухоро» матбуот хизмати
    «Бухоро» ўз жамоасига 2 нафар легионер футболчини қўшиб олди. Бу ҳақда клуб матбуот хизмати хабар берди.

    Эндиликда канадалик ҳимоячи Милован Капор ҳамда тожикистонлик ярим ҳимоячи Фатҳулло Фатҳуллоев бухороликлар шарафини ҳимоя қилади.

    Маълумот учун, 27 ёшли Милован 2018-2019 йиллар мобайнида Беларуснинг «Гомел» клубида тўп сурди ва умумий ҳисобда 39 та учрашувда майдонга тушди.

    Фатҳулло эса 2008 йилдан 2019 йилгача Тожикистоннинг кучли жамоаларидан бири бўлган Душанбенинг «Истиқлол» клуби сафида ўйнади.

    Қайд этиш жоиз, «Бухоро» Суперлига 2-давра бошланиши олдидан 12 июлдан 25 июлга қадар Тошкентда ўқув йиғин машғулотларини олиб боради. Режага кўра, ўқув йиғин машғулот давомида Бухоро клуби 16 июль куни «Локомотив», 18 июлда ОКМК ва 20 июль куни эса «Қизилқум» жамоаларига қарши баҳс олиб боради.

    » » «Бухоро» канадалик ва тожикистонлик легионерни ўз сафига қўшиб олди