Суперлига. "Пахтакор" "Қўқон-1912"дан устун келди

  • 27 июль 2019, 00:24
  • 374
  • Спорт
  • Суперлига. "Пахтакор" "Қўқон-1912"дан устун келди
    Ўзбекистон чемпионатининг 14-туридан ўрин олган “Пахтакор” – “Қўқон-1912” учрашуви ўз ниҳоясига етди. Тошкентда бўлиб ўтган баҳсда мезбонлар ишончли ғалабани қўлга киритишди.

    Учрашувнинг 22-дақиқасида Одил Ҳамробеков рақиблардан ажойиб тарзда ўтиб кетди ва тўпни Жалолиддин Машариповга оширди. Яқин масофадан Жалол дарвозани осонликча ишғол қилди.

    Иккинчи бўлим дебютида Драган Черан Машариповнинг узатмасидан кейин боши билан дарвозани ишғол қилди. Орадан кўп вақт ўтмай Марко Симич бурчакдан узатилган тўпни боши билан дарвозага аниқ йўллади. Унга пасни бу сафар ҳам Машарипов узатди.

    77-дақиқада Муҳаммаданас Ҳасанов ҳисобни қисқартиришга эришди ва бу гол ўйиндаги сўнггиси бўлди.

    Шу тариқа, Шота Арвеладзе шогирдлари 38 очко билан якка пешқадамликда давом этишмоқда ва энг яқин таъқибчиларини 11 очкога ортда қолдиришмоқда.

    "Пахтакор" – "Қўқон-1912" 3:1 (1:0, 2:1)
    Голлар:
    1:0 - 22 Машарипов, 2:0 - 48 Черан, 3:0 - 51 Симич, 3:1 - 77 М. Ҳасанов.

    "Пахтакор": Элдор Суюнов, Фаррух Сайфиев, Марко Симич, Шерзод Аъзамов, ҳажиакбар Алижонов, Сардор Собирхўжаев, Одил Ҳамробеков (Садриддин Абдуллаев, 72), Марат Бикмаев (Достон Ҳамдамов, 61), Драган Черан, Жалолиддин Машарипов, Игорь Сергеев (Бобур Асқаров, 87).

    "Қўқон-1912": Ислом Абдуллаев, Жамшид Ҳасанов (Тимур Ҳакимов, 69), Қувондиқ Рўзиев, Аваз Маматхўжаев, Ойбек Рустамов, Суҳроб Бердиев (Муҳаммаданас Ҳасанов, 76), Иқбол Маликжонов, Шаҳбоз Эркинов (Ҳамидулло Абдуҳамидов, 87), Александр Мерзляков, Марко Милич, Мурод Холмуҳаммедов.
    Огоҳлантиришлар: Рустамов (64)

    » » Суперлига. "Пахтакор" "Қўқон-1912"дан устун келди