Нодирбек Якуббаев Халқаро шахмат фестивалида кумуш медалга сазовор бўлди

  • 13 август 2019, 20:33
  • 319
  • Спорт
  • Нодирбек Якуббаев Халқаро шахмат фестивалида кумуш медалга сазовор бўлди
    6-11 август кунлари БААнинг Абу-Даби шаҳрида 26-Абу Даби Халқаро шахмат фестивали (26th Abu Dhabi International Chess Festival) бўлиб ўтди. Унда шахмат бўйича Ўзбекистон терма жамоаси аъзолари, халқаро гроссмейстрлар Нодирбек Якуббаев, Нодир Абдусатторов ва Ўзбекистон чемпиони Жавоҳир Синдаров қатнашди.

    Ўзбекистон Шахмат федерацияси матбуот хизматининг хабар беришича, 9 турдан иборат баҳсда Нодирбек Якуббаев 7 очко билан 2-ўринни, Нодирбек Абдусаттаров 6 очко билан 16-ўринни ва энг ёш Ўзбекистон чемпиони Жавоҳир Синдаров 5,5 очко билан 28-ўринни эгаллашди.

    Фото: Шахмат федерацияси матбуот хизмати

    Мусобақанинг adchessfestival.ae расмий сайтида келтирилган маълумотга кўра, 27 мамлакатдан 55 гроссмейстр (7 аёл), 34 халқаро тоифадаги спорт устаси (10 аёл), жами 150 шахматчи қатнашган турнирда, рейтинг-фаворит (энг баланд рейтингли шахматчи) украиналик Юрий Криворучко қатнашган бўлса-да, финалда 1-ўринни грузиялик Жобава Баадур эгаллади. 2-ўринни эгаллаган халқаро гроссмейстр, Халқаро шахмат академияси тингловчиси Нодир Якуббаевга кумуш медал билан бирга 7500 АҚШ доллари миқдоридаги пул мукофоти ҳам топширилди.

    » » Нодирбек Якуббаев Халқаро шахмат фестивалида кумуш медалга сазовор бўлди