Нурмагомедовнинг мураббийи Порьега қарши жангда Ҳабибга халал бериши мумкин бўлган жиҳатни айтди

^{Фото: Getty Images}
UFC чемпиони Ҳабиб Нурмагомедовнинг мураббийи Хавьер Мендес Дастин Порьега қарши жангда россиялик яккакурашчини нима чалғитиши мумкинлигини айтди.

«Ҳабибдан аввал унинг бир нечта дўстлари ва шерикларининг жанг ўтказиши муҳим палла ҳисобланади. Агар уларнинг қайси биридадир вазият режадагидек бўлмаса, бу Ҳабибнинг руҳий ҳолатига таъсир қилиши мумкин.

Агар кимдир чегарадан чиқадиган бўлса, ўйлашимча, Ҳабибнинг отаси Абдулманноп Нурмагомедов унга яхшигина танбеҳ бериб қўяди. У жуда тартибли инсон ва ўқувчиларидан атрофдагиларга ҳурмат билан муносабатда бўлишни талаб қилади», — дейди Мендес.

Эслатиб ўтамиз, 7 сентябрь куни Саудия Арабистонида бўлиб ўтадиган UFC 242 мусобақаси асосий жангида Ҳабиб Нурмагомедов ва Дастин Порье иштирок этади. Ундан аввал Нурмагомедов жамоасининг вакили Зубайра Тухугов ҳам жанг қилади. «Замин»ни Telegram’да ўқинг!