Бугун оммавий ахборот воситаларида футбол бўйича Ўзбекистон миллий терма жамоаси бош мураббийи Эктор Купер истеъфога чиқарилгани ва ўрнига «Бунёдкор» бош мураббийи Вадим Абрамов тайинлангани ҳақида хабарлар пайдо бўлган эди. «Бунёдкор» клуби бош директори Улуғбек Мирзаев бу борада ЎФА билан ҳеч қандай мулоқот ўтказилмаганини билдирди.
Улуғбек Мирзаев. Фото: Championat.asia
— Бу ҳақда ўзим ҳам интернетда тарқаган маълумотлардан хабар топдим. Фақат бир нарсани айтишим мумкин, клубга ҳеч қандай таклиф келиб тушгани йўқ. Вадим Абрамов ҳамон «Бунёдкор» бош мураббийи сифатида фаолият олиб бормоқда. Айни вақтда Қўқондаги ўйинга тайёрланмоқдамиз, 15 сентябрда «Бунёдкор» - «Қўқон-1912» ўйини бўлади. Бу ўйинга Вадим Абрамовга ҳам йўл чиптаси олинган, меҳмонхонага буюртма берилган. Вадим Абрамов билан бу ҳақда гаплашиб олдим. Унга ҳеч ким алоқага чиқмаган, — дейди Улуғбек Мирзаев.
Ўз навбатида Вадим Абрамов ҳам ЎФА билан ҳеч қандай музокара бўлмаганини тасдиқлади.
— Ўзбекистон миллий терма жамоасига бош мураббий этиб тайинланганим ҳақида одамлардан эшитдим. Интернетни ўқиб бормайман, шунчаки танишлар қўнғироқ қилиб, хабардор этишди. Шундай экан, ҳеч нарса дея олмайман. ЎФА билан музокаралар бўлгани ҳақидаги хабарлар ёлғон.
Мабодо таклиф бўлса қандай жавоб берардим? Менимча бундай саволга жавоб бериш унчалик ҳам одобга тўғри келмайди. Ҳозирча Ўзбекистон миллий терма жамоасини бошқа одам бошқармоқда ва уни ҳурмат қилиш керак, — дея жавоб қайтарди Вадим Абрамов.
Ўз навбатида ЎФА матбуот хизмати ҳам Эктор Купер миллий терма жамоа бошқарувида фаолият юритаётганини тасдиқлади.
— Айни вақтда Ўзбекистон миллий терма жамоаси бош мураббийи — Эктор Купер. Ҳозирча бошқа мураббий ҳақида гапиришга ҳожат йўқ.
ЎФА тасарруфидаги терма жамоаларда ўзгариш рўй берган тақдирда расмий сайтимиз орқали хабар берилади. Модомики берилмаган экан, демак ҳеч қандай янгилик ҳам йўқ, — дейилади Xabar.uz сайтига берилган расмий маълумотда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
Энди операциядан сўнг кесмалар ўрни икки баробар тезроқ битиши мумкин
Глобал очлик ва қашшоқликка қарши кураш алянсига 82 мамлакат аъзо бўлди
Омега-3 қандай қилиб озишга ёрдам беради?
Тюмен областига Ўзбекистондан меҳнат мигрантлари ишга жалб қилинади
Хатолар ва мағлубиятлар... улар кечириладими?
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
КХДР Россияга 100 минггача ҳарбий юбориши мумкин
