Шаҳобиддин Зоиров чорак финал йўлланмасини қўлга киритди

Россиянинг Екатеринбург шаҳрида бокс бўйича ЖЧ баҳслари ўзининг қизғин палласига кириб бормоқда.

-52 кг вазн тоифасида юртимиз шарафини ҳимоя қилаётган Шаҳобиддин Зоиров 1/8 финал босқичи доирасида қирғизистонлик Азат Усеналиевга қарши рингга кўтарилди. Мазкур жанг ҳакамлар қарорига кўра, ҳамюртимизнинг ғалабаси билан якунланди.

26 ёшли боксчимиз чорак финалда болгариялик Даниель Асеновга қарши жанг қилади. Мазкур қарама-қаршилик эртага бўлиб ўтади.