"Динамо"-"Андижон" жамоалари ўртасидаги учрашувдан сўнг ўтказилган матбуот анжуманида "Андижон" жамоаси бош мураббийи Александр Хомяков иштирок этиб, саволларга жавоб қайтарди. Бу ҳақда клуб матбуот хизмати хабар бермоқда.
- Албатта, натижа мени қувонтирди. Жуда муҳим учрашувда ғолиб бўлдик. "Олти очколик" ўйинлигини билиб турганимиз учун учрашувга жиддий тайёргарлик кўргандик. Рақиб ҳужумга зўр бериши маълум эди. Шу сабабли, шогирлларимга ҳимояда бехато ўйнашларини, тезлик билан қарши ҳужумга ўтишларини уқтирдим. Рақибнинг хатомиздан фойдаланиб содир этган бир-икки ҳужумларини ҳисобга олмаганда, шогирдларим барча кўрсатмаларимни аниқ бажаришди. Йигитларга минатдорчилик билдираман.
Шунингдек, доим бизни ёлғизлатиб қўймайдиган мухлисларимизни бугунги ғалаба билан алоҳида табриклайман!
- Кетма-кет етти мағлубиятдан кейин "Динамо" жамоасидан нима кутаётгандингиз?
- Рақибнинг асабийлашиб тургани аниқ. Сабаби, биринчи даврада ёрқин ўйин намойиш этган жамоанинг ҳозирги кунда кетма-кет муваффақиятсизликка учраётгани ёқимсиз албатта. Бугун улар ўйиннинг дастлабки дақиқалариданоқ олдинга ўтишини ҳисобга олгандик ва кутгандик. Ўйиндаги асосий мақсадимиз ҳимояда бехато ўйнаш ва қарши ҳужумга ўтиш эди.
- Ҳисоб ўйинга яраша бўлдими?
- Ўйинни тенг бўлди деб айтиш мумкин. Сабаби, гол киритганимиздан кейин ҳам вазиятлар яратдик. Рақиб ҳам гол ўтказиб юборганидан кейин вазиятлар яратди. Имкониятдан фойдаланиш бобида устунлик қилдик. Қайтариб айтаман, асосий мақсадимиз ҳимоямизда хато қилмаслик ва рақибни хато қилишга мажбурлаш эди. Бундай ўйинларда учрашув тақдирини 1-2 та вазиятлар ҳал қилади. Кам хато қилган жамоа ютади. Буларнинг барчасини удаллай олдик.
- "Андижон" хавфли зонани тарк этди деб айтиш мумкинми?
- Асло, йўқ! Аввало, бизда Про лигага равона бўлиш ҳақида ўй йўқ. Бу ҳақда ўйламаяпмиз ҳам. Тўғри, турнир жадвалида вазият жуда қийинлашиб бормоқда турдан турга. Қолаверса, ўйин ташкил қилишда бизда муаммолар бўлди. Лекин Суперлигадан тушиб кетмасмикинмиз деган фикр йўқ жамоада.
- Суперлигада қолишга курашаётган "Бухоро" ва "Динамо" жамоаларининг қайси бирида вазият оғир деб ҳисоблайсиз?
- Фикримча, "Динамо"нинг тақвими қийинга ўхшаяпти.
- Ўзингизни" Динамо" учун ноқулай мураббий деб ҳисоблайсизми? "Машъал" билан ҳам, "Андижон" билан ҳам доим ютиб кетасиз.
- Мен бундай статистикаларга қизиқмайман. Мен бу ҳақда ўйламайман ҳам. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Туркия Исроил президенти самолётини ҳаво ҳудудига киритмади
20 ёшли ўзбекистонлик қизни қариндоши Туркияга сотиб юборди
Рашида Толиб Конгресс аъзоларига «аччиқ ҳақиқат»нинг суратини кўрсатди
Эрон АҚШдан 1 трлн доллар компенсация талаб қилди
Ким Чен Ин ҳарбийларни жанговар ҳолатда туришга чақирди
Шимолий Корея Россияга узоққа зарба берувчи қуроллар юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Россиялик депутат: «Олий маълумотлиларнинг курерлик қилиши — ватанпарварликка зид»
