ФИФАнинг фирибгарлиги фош бўлди

Судан терма жамоаси бош мураббийи Здравко Логарушич Никарагуа терма жамоаси сардори Хуан Барреранинг ортидан йилнинг энг яхши футболчисини аниқлашда ФИФАнинг фирибгарлик қилганини иддао қилмоқда.

Логарушичнинг сўзларига кўра у ўз рўйхатида биринчи ўринга Муҳаммад Салоҳ, иккинчи ўринга Садио Мане ва учинчи ўринга Виржил ван Дейкни қўйган. Бироқ, ФИФАнинг расмий ҳисоботида у "Барселона" форварди Лионель Мессига овоз бергани маълум бўлган.

У юқоридаги айблови асоссиз бўлиб қолмаслиги учун ФИФАга юборган хатининг суратини эълон қилди.
Эслатиб ўтамиз, якунда дунёнинг энг яхши футболчиси деб Лионель Месси топилди. У ван Дейкдан бор йўғи 8 очко кўп тўплаган холос. «Замин»ни Telegram’да ўқинг!