"Ювентус" президенти Роналдуга нима совға қилди?

“Ювентус” клуби фаолиятидаги 700-голини урган ҳужумчиси Криштиану Роналдуни ушбу тарихий натижа билан табриклади.

Аниқроғ, туринликлар президенти Андреа Аньелли кеча А Сериянинг 8-туридан ўрин олган “Болонья”га қарши ўйиндан олдин 34 ёшли португалиялик футболчига эгнига унинг исми ва 700-рақам туширилган “Ювентус” либосини совға қилди.

Маълумот учун, Роналду “Ювентус” сафида 2018 йилдан буён тўп суриб келмоқда. У ҳозирча “кекса синьора” сафида жами 51 та ўйинда майдонга тушди ва ўз ҳисобига 32 та гол ҳамда 11 та голли узатма ёздириб қўйишга эришди. «Замин»ни Telegram’да ўқинг!