Ўзбекистонда илк бор аралаш жанг санъатлари бўйича GFC-20 турнири ўтказилди. Мухлислар ажойиб жанглар гувоҳи бўлишди.
Бунга ўхшаш тадбир республикада илк бор ўтказилмоқда. Ушбу спорт мусобақанинг ташкилотчиларидан бири UFC мутлақ чемпиони Ҳабиб Нурмагомедов бўлди.
23 ноябрь оқшомида бўлиб ўтган жангларда Аргентина, Россия, Беларусь, Украина, Озарбайжон, Бразилия, Франция, Италия, Хорватия, Тунис, Тожикистон ва Ўзбекистондан жангчилар октагонга кўтарилишди.
Қувонарлиси, ўзбекистонлик спортчилар Авлиёхон Ҳамидов, Нурсултон Рўзибоев, Музаффар Ражабов, Жаҳонгир Жумаев, Аҳлиддин Мирзадавлатов рақиблари устидан ишончли ғалаба қозонишди. Айниқса, Нурсултон Рўзибоев ва Жаҳонгир Жумаевнинг жанглари ёдда қоларли бўлди. Жамшид Раҳмоналиев ва Амин Эргашев эса рақибларига имкониятни бой бериб қўйишди.
“Ҳумо Арена”ни тўлдирган мухлислар ўзларининг қўллаб-қувватлашлари, ҳайқириқлари билан жанг оқшомига ўзгача шукуҳ бағишлашди.
Шубҳасиз, мусобақанинг асосий жанги Умар Нурмагомедов (Ҳабиб Нурмагомедовнинг амакисининг ўғли – таҳр. ) ҳамда аргентиналик Брайан Гонсалес ўртасида кечди. Умар Нурмагомедовларга хос тарзда бўғувчи усул билан рақибини муддатидан аввал мағлуб этди ва чемпионлик унвонини муносиб тарзда ҳимоя қила олди.
Умар Нурмагомедов жангдан сўнг томошабинларга қўллаб-қувватлаганликлари учун миннатдорчилик билдирди.
“Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Жо Байден: “Баъзан хотиним мени космосга жўнатиш билан таҳдид қилади”
Омега-3 қандай қилиб озишга ёрдам беради?
Эрон АҚШдан 1 трлн доллар компенсация талаб қилди
Apple донгдор икки айфонини расман эскирган деб эълон қилди
Айрим бошқарув сервис компаниялари шартномаларида асоссиз шартлар белгилангани аниқланди
Шольц ва Путин ўртасидаги суҳбат Киевга сигнал бўлди
Россиялик депутат: «Олий маълумотлиларнинг курерлик қилиши — ватанпарварликка зид»
