Деонтей Уайлдер йил жангида Луис Ортисни нокаутга учратди (видео)

Бокс бўйича супер оғир вазн вакиллари Деонтей Уайлдер ва Луис Ортис 23 ноябрь, шанба куни Лас-Вегасда WBC камари учун ринга кўтарилди.

Жангнинг 7-раундида америкалик боксчи техник нокаут билан ғалабага эришди. Раунд тугашига ўн сония вақт қолганда Ортис ҳужумга ўтиш вақтида қарши зарбани қабул қилиб олди ва бу кубалик боксчининг нокаутга учрашига сабаб бўлди.

Deontay Wilder (-700) gets the KO on Ortiz in the 7th round.
https://t.co/vptBTbaUjS

— Barstool Bets (@barstoolbets) November 24, 2019

Шу тариқа Уайлдер ўнинчи марта чемпионлик камарини ҳимоя қилишга муваффақ бўлди.

Бу Уайлдер учун проф боксдаги 42-ғалаба бўлди (уларнинг 41 таси нокаут билан якунланган). Шунингдек, унинг ҳисобида битта дуранг ҳам бор. 40 ёшли Ортис эса фаолиятида иккинчи марта мағлубиятга учради. Қизиқ томони кубалик боксчи илк мағлубиятни ҳам айнан Деонтейдан қабул қилиб олганди. «Замин»ни Telegram’да ўқинг!