"Локомотив" - 4 карра Ўзбекистон вице-чемпиони. Суперлигада 24-турдан кейин турнир жадвалидаги ҳолат

Тошкентнинг "Локомотив" клуби сафарда "Андижон" устидан 4:0 ҳисобида ғалаба қозонди ва чемпионат тугашига 2 тур қолганида иккинчи ўринни ва ОЧЛ-2020 плей-офф йўлланмасини нақд қилди.

Сабаби учинчи ўриндаги "Сўғдиёна" Термизда "Сурхон"га ютқазиб қўйди (0:1), тўртинчи ўриндаги "Бунёдкор" эса ўз майдонида "Навбаҳор"ни мағлуб этиб, очколарини 39тага етказиб олди.

«Андижон» - «Локомотив» - 0:4
Голлар: Жамшид Искандеров 40, Остон Урунов 68, Сардор Мирзаев 70, Илдар Маматказин 88 (ўз дар.).
«Андижон»: Виталий Мирний, Илдар Маматказин, Аброр Хусинов, Бобуржон Акбаров, Рўзимбой Аҳмедов, Дониёр Исмаилов, Қаҳрамон Баҳодиров, Хушнудбек Авилов (Давронбек Исоқов, 65), Дилшод Раҳматуллаев (Бахтиёр Қосимов, 63), Фарҳод Бекмуратов, Шаҳзод Убайдуллаев,
«Локомотив»: Игнатий Нестеров, Даврон Ҳошимов, Ислом Тўхтахўжаев, Анзур Исмоилов, Олег Зотеев, Остон Урунов, Йован Жокич, Жамшид Искандеров (Смит Медина, 87), Арсланмират Аманов (Иброҳим Ғанихонов, 78), Диёр Туропов, Сардор Мирзаев.

«Сурхон» – «Cўғдиёна» - 1:0
Гол: Дарко Станоевич 62.
«Сурхон»: Асилбек Амонов, Абдуқаҳҳор Хожиакбаров, Раҳматулло Бердимуродов, Шавкат Саломов, Абдулазиз Юспов (Шохназар Норбеков, 71), Аброр Исмоилов, Владимир Бубанья, Ҳусниддин Ғофуров, Аъзам Алиев, Дарко Станоевич, Асрор Ғофуров.
«Cўғдиёна»: Милан Митрович, Искандар Шойқулов, Элёр Орифов, Кахи Махарадзе, Санжар Рашидов (Ойбек Нурматов, 75), Шоҳруз Норхонов, Жамшид Болтабоев, Жасур Ҳасанов (Муҳаммаданас Ҳасанов, 82), Даниэль Насриддинов (Иззат Абдуллаев, 54), Никола Милинкович, Шерзод Файзиев.

Охирги икки турда "Бунёдкор" "Локомотив"га очколар бўйича етиб олиши мумкин. Аммо шундай бўлган тақдирда ҳам Самвел Бабаян шогирдлари ўзаро ўйинлардаги натижалар туфайли иккинчи ўринни эгаллашади.

Бу йил ушбу жамоалар ўртасидаги "Локомотив" майдонида ўтган баҳсда 0:0, "Бунёдкор" майдонида ўтган учрашувда 1:1 ҳисоби қайд этилган. "Темирйўлчилар" сафарда урилган гол эвазига ўзаро ўйинларда устунликка эришишди.

Маълумот учун, "Локомотив" 2013, 2014 ва 2015 йилларда ҳам Ўзбекистон чемпионатида кумуш медалларга эга чиққан.
“Замин” янгиликларини “Facebook”да кузатиб боринг