«ММА чексиз кучимиз эканлигини бутун дунё кўрди!». Отабек Умаров Тошкентда ўтган турнир ҳақида

^{Фото: Отабек Умаров телеграм канали}
Ўзбекистон аралаш жанг санъатлари ассоциацияси президенти Отабек Умаров Тошкентда бўлиб ўтган турнир ҳақида ўз таассуротларини билдирди.

^{Фото: Отабек Умаров телеграм канали}
«Қойилмақом байрам! Ҳаммамиз учун ниҳоятда аҳамиятли бўлган кунни кўнгилдагидек ўтказа олганимиздан хурсандман. Тадбирни ташкил этишда катта ҳисса қўшган барча-барчага раҳмат айтмоқчиман.

Биринчи навбатда, трибуналарда ўтириб бутун бошли Humo Arenaни ларзага келтирар даражада мухлислик қилган ишқибозларимизга ташаккур билдираман! ⠀

^{Фото: Отабек Умаров телеграм канали}
Ташкилотчиларимизга раҳмат! Дунёнинг турли чеккаларидан ташриф буюрган меҳмонларимиз бундай кенг кўламдаги тадбирни кутишмаганини яширмадилар. ⠀

Спорт байрамимизни муносиб ўтказишда меҳнат қилган ҳомийларимиз, журналистларимиз, шарҳловчилар, фотосуратчилар, ҳакамларимиз ва қолган барча иштирокчиларимизга раҳмат, дейман!

^{Фото: Отабек Умаров телеграм канали}
Жангчиларимизга эса алоҳида миннатдорчилигимни изҳор қиламан! Сизнинг саъй-ҳаракатларингиз сабаб бутун умрга ёдда қоларли шоунинг гувоҳи бўлдик. Сиз юртимизга ғалабалар туҳфа этдингиз. ММА чексиз кучимиз эканлигини бутун дунё кўрди! Бизнинг чинакам қаҳрамонларимизсиз!» — деди Отабек Умаров. “Замин” янгиликларини “Telegram”да кузатиб боринг