Суперлигани иккинчи ўринда тугатган "Локомотив" янги мавсумни бирмунча эрта бошлайди.
"Темирйўлчилар" 21 январдан Осиё чемпионлар лигасига киришадилар. Шу куни Тошкентда Тожикистон чемпиони "Истиқлол" ОЧЛ плей-офф босқичи доирасида меҳмон бўлади.
Агар "Локомотив" 21 январь куни "Истиқлол"ни мағлуб этса, 28 январь куни сафарда Саудия Арабистонининг "Ал Аҳли" клубига қарши иккинчи плей-офф учрашувини ўтказади. "Ал Аҳли" мағлуб этилган тақдирда жамоамиз ОЧЛ гуруҳ ўйинларига йўлланма олади. Кўриб турганингиздек, "Локо" учун янги мавсум анча эрта старт олади.
"Темирйўлчилар" мавсумга тайёргарликнинг дастлабки қисмини Янги йил байрамига қадар Тошкентда олиб боришади. Шундан сўнг жамоа Дубайга йўл олиб ОЧЛ баҳсларига тайёргарликни давом эттиради. Дубайда бўладиган ўқув-машғулот давомида бир нечта ўртоқлик учрашуви ўтказиш кўзда тутилган.
Ҳозирча "Локомотив"нинг иккита рақиби маълум. Клуб томонидан юборилган таклифга Хитой ва Шотландия клублари розилик билдиришди. Шулардан бири Хитой Суперлигаси вакили "Жиангсу Сунинг" футбол клуби. Маълумот учун, ушбу жамоа бу йилги чемпионатни 4-ўринда тугатди. "Жиангсу" бош мураббийи руминиялик Космин Олариу ҳисобланади. Иккинчи жамоа эса Шотландиянинг энг номдор клубларидан бири "Глазго Рейнжерс". Айни пайтда ушбу жамоани "Ливерпул"нинг собиқ сардори Стивен Жеррард бошқаряпти.
Ҳар икки хориж клубига "Локомотив" ПФК томонидан юборилган таклиф маъқул келди. "Локомотив" "Глазго Рейнжерс"га қарши 10 ёки 11 январь куни ўртоқлик учрашуви ўтказади. "Жиангсу Сунинг" билан бўладиган ўйин 14 январга белгиланган. Жамоамизнинг янги мавсумга тайёргарлик режаси ҳақида тўлиқ маълумот кейинроқ клуб матбуот хизмати томонидан берилади.
Манба: Championat.asia “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Шольц ва Путин ўртасидаги суҳбат Киевга сигнал бўлди
Туркия Исроил президенти самолётини ҳаво ҳудудига киритмади
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Айрим бошқарув сервис компаниялари шартномаларида асоссиз шартлар белгилангани аниқланди
Туркиянинг Harper’s Bazaar нашри йил аёлини аниқлади (фото)
Эрон АҚШдан 1 трлн доллар компенсация талаб қилди
Рашида Толиб Конгресс аъзоларига «аччиқ ҳақиқат»нинг суратини кўрсатди
