Ҳабибнинг мураббийи Конорга қарши жангдаги можаро ҳақида: 10 дақиқадан сўнг Путин қўнғироқ қилганди

^{Фото: Yandex Photos}
UFC енгил вазн тоифаси чемпиони Ҳабиб Нурмагомедовнинг мураббийи Хавьер Мендес шогирдининг Конор Макгрегорга қарши кечган жангидан кейин нималар бўлганини айтди.

«Жангдан сўнг Ҳабибга мураббий айтиши керак бўлган жумлаларни гапирдим: ҳаммаси яхши, барчаси ортда қолди, буни ҳаёлдан чиқариб ташла, ҳаммаси яхши бўлади.

Биз кийиниш хонасида эдик, ўн дақиқадан кейин Владимир Путин қўнғироқ қилди ва у билан фахрланишини айтди. У шундай деди: ‘Сен ватанинг ва оиланг шарафини муносиб ҳимоя қилдинг. Мураббийларинга ҳам ташаккуримни етказиб қўй, улар ҳам катта ишни амалга оширди’», — дейди Мендес.

Эслатиб ўтамиз, 2018 йилнинг октябрь ойида Ҳабиб ирландиялик яккурашчини бўғиш усулини қўллаб таслим этган ва шундан кейин рақибининг спарринг шериги билан жанжаллашиб кетганди. “Замин” янгиликларини “Инстаграм”да кузатиб боринг