Туркия терма жамоаси афсонаси нега АҚШда таксистлик қиляпти?

Туркия терма жамоаси собиқ ҳужумчиси Ҳоқон Шукур Туркия президенти Ражаб Тойиб Эрдўған билан орадаги келишмовчилик сабаб ҳаёти қийин ахволга тушиб қолганини айтди.

Гап шундаки, у 2016 йил ижтимоий тармоқларда мамлакат раҳбариини кескин танқид қилган. Шундан сўнг собиқ футболчини террорчига чиқаришди ва ушбу айбловдан қутулиш мақсадида у АҚШга қочиб кетди. У Сан-Францискода кафе очди. Бироқ, орадан маълум вақт ўтгач у ерда ҳам таъқибга учради ва кафени ёпишга мажбур бўлди. Кейин Вашингтонга кетди.

Айни дамда у АҚШ пойтахтида таксистлик қилмоқда ва китоб сотмоқда.
“Мени ҳеч нарсам қолмади. Эрдўған ҳаммасини тортиб олди. Мендан сўз эркинлигини ва ишимни тортиб олишди”, - дейди Шукур.

Маълумот учун, Ҳоқон Шукур 1992-2008 йилларда Туркия терма жамоаси шарафини ҳимоя қилган. У 2002 йил Туркия терма жамоаси сафида мундиалда бронза медалларини қўлга киритган. «Замин»ни Telegram’да ўқинг!