U-23 Осиё чемпионати. 3-ўрин учун Ўзбекистон билан баҳслашадиган жамоа аниқланди (тақвим)

Таиланддаги қитъа биринчилигининг иккинчи ярим финал баҳси Австралия ҳамда Жанубий Корея ўртаисда бўлиб ўтди.
Учрашувнинг асосий таймида ҳисоб очилмаган бўлса, кейинги бўлимда кореяликлар аъзолари Ким Даэ Вон ҳамда Ли Дон Гён рақиб дарвозасини ишғол этишди. Мазкур голлар Ж.Кореяга Осиё чемпионати финали ҳамда Токио-2020 Олимпиадаси йўлланмасини тақдим этди.

Улар мусобақанинг ҳал қилувчи баҳсида Саудия Арабистонига қарши тўқнаш келишади. “Кенгурулар юрти” футболчилари эса Ўзбекистон ОТЖ билан учинчи ўрин учун кураш олиб боради. Бронза медаллари соҳиби ҳам Олимпиада иштирокчисига айланади.

Австралия – Ж.Корея 0:2
Голлар: Ким Даэ Вон 56, Ли Дон Гён 76

3-ўрин учун баҳс:
25-январь, 17:30, Ўзбекистон – Австралия

ФИНАЛ:
26-январь, 17:30, Ж.Корея – С.Арабистони «Замин» янгиликларини «Вконтакти»да кузатиб боринг