Дубайдаги ўқув-машғулот йиғини доирасидаги дастлабки назорат беллашувида АГМК жамоаси Туркманистон миллий терма жамоасига қарши назорат ўйини ўтказди.
Мураббийлар штаби ҳар иккала таймда турли таркибларни туширган ҳолда барча футболчиларга имконият тақдим этди. Миржамол Қосимов ва Фарҳод Имамов жароҳати боис мазкур ўйинда иштирок этолмади.
Биринчи таймда жамоалар кескин курашларга бой ўйин таклиф қилишди. Ҳар иккала жамоанинг ҳужум гуруҳи мудофаа чизиғи вакилларининг тўсиғидан ўтишга муваффақ бўлишмади ва натижада жамоалар танаффусга 0:0 ҳисоби билан чиқиб кетишди.
Иккинчи таймда АГМК учрашувда ягона бўлган голни уришга муваффақ бўлди. Жарима зарбасидан Эркин Байдуллаев тўпни қанотга Хожимат Эркиновга узатди, Эркиновнинг жарима майдончаси ичига узатмасини эса Мате Ватсадзе аниқ зарбаси билан голга айлантирди - 1:0! Бу гол Мате Ватсадзенинг норасмий дебют голига айланди.
Мазкур гол баҳс сўнггига қадар ягоналигини сақлаб қолди. Шу тариқа жамоамиз Дубайдаги ўқув-машғулот йиғини доирасидаги илк назорат ўйинида ғалабани тантана қилди.
АГМК — Туркманистон 1:0
Гол: Мате Ватсадзе (55)
АГМК (4-3-3) — Суҳроб Султонов - Акмал Шораҳмедов, Игорь Зонич, Сардор Раҳмонов, Сайдулло Раҳматов - Йован Жокич, Санжар Турсунов, Мурод Тошматов - Арслонмират Аманов, Зафар Полвонов, Элгужа Григалашвили.
Иккинчи бўлимда тушган таркиб — Роман Абдулов - Мирғиёс Сулаймонов, Дилшод Жўраев, Бобур Йўлдошев, Шероз Жалолов - Эркин Байдуллаев, Жасур Умаров - Сайдулло Тошпўлатов, Шаҳзод Нурматов, Хожимат Эркинов - Мате Ватсадзе.
Туркманистон — Рахат Жаппаров, Мекан Аширов, Ата Гелдиев, Ораз Атаев, Мойчамберди Гошанов, Байрамберди Нурлиев, Назар Товакелов, Шатлик Гурбанов, Мейлис Диниев, Ихлос Магтимов, Язгилич Гурбанов.
Захирадагилар: Мухаммет Овезов, Гурбанмират Гараев, Аширгелди Сариев, Довран Бердиев, Саят Гуллиев, Али Боржаков, Якуб Магсатов, Батиргилич Бердиев, Мурат Амантаганов, Давр Сейитмуҳамедов, Шамдимет Хидиров, Батир Тачназаров.
Манба: АГМК матбуот хизмати “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Энди операциядан сўнг кесмалар ўрни икки баробар тезроқ битиши мумкин
Организм ўзини токсинлардан қандай тозалайди?
АҚШ ҳарбийлари орасида ўз жонига қасд қилиш кўпайди
Буйрак саломатлиги учун энг фойдали сабзавот...
АҚШ Исроилнинг икки вазирига санкция қўлламоқчи
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Яхши пишган ва мазали анор танлашга ёрдам берадиган тавсиялар
Apple донгдор икки айфонини расман эскирган деб эълон қилди
