Хабарингиз бор, Ўзбекистонлик ҳужумчи Павел Пуришкин Уммон чемпионати иштирокчиси "Оман ФК" жамоаси сафида ҳаракат қилмоқда.
Сайтимиз мухбири легионер футболчи билан боғланиб, интервью ташкил этди. Қуйида мазкур интервьюнинг тўлиқ матни билан танишинг.
- Салом Павел! Янги жамоага мослашиб олдингизми?
- Салом, ҳа секин мослашиб борпяпман. Чемпионат ва муҳит ўзгарганидан кейин барибир бир оз вақт керак бўлади.
- Уммон чемпионати сизда қандай таасурот қолдирмоқда?
- Уммон чемпионатида футболчи 90 дақиқа тинимсиз югуришингиз керак экан. Бу ерда қайси чизиқ вакили бўлишингизга қарамасдан, ҳимояга ҳам, ҳужумга ҳам ёрдам беришингиз талаб этилади ва бунга жисмонан тайёр бўлишингиз керак.
- Нима деб ўйлайсиз, "Оман ФК" чемпионатда ўз ўрнини сақлаб қолиш вазифасини уддалайдими?
- Ҳа албатта, ҳозирги кунда жамоамиз олдида вазифа лигадаги ўрнимизни сақлаб қолиш ҳисобланади. Бунга бутун жамоамиз вакиллари билан биргаликда ҳаракат қиламиз.
- Уммон чемпионатида иштирок этаётганингизга кўп бўлгани йўқ. Айтингчи, бугунгача нечта ўйинда майдонга тушдингиз? Кўрсатаётган натижаларингиз қандай?
- Ҳозиргача 3 та ўйин ўтказдим ва рақиблар дарвозасига 3 та гол урдим.
- Уммон чемпионатида жамоадошларингизни тушуниш, улар билан мулоқот қилиш бўйича муаммолар юзага келмадими?
- Йўқ, тил борасида ҳеч қандай муаммо бўлмади. Мен инглиз тилини биламан, шу сабабли жамоадошларим билан мулоқот бўйича тўсиқлар бўлмади.
- Уммон чемпионатида қанча муддат иштирок этишни мақсад қилгансиз?
- "Оман ФК" жамоаси билан 2020 йил апрель ойигача шартномам бор. Футбол ўйнашни чин дилдан истайман, ҳозирда Уммон чемпионатида ўзимни яхши ҳис қилаяпман. Агар улар менга янги шартнома таклиф қилишса, албатта қабул қиламан.
- Ўзбекистонлик футбол мухлисларига тилакларингиз...
- Ўзбек футболи тўғри йўлда, ўйлайманки Равшан Эрматов футболимизни янада юксакларга олиб чиқади. Уммон давлатидан туриб барча ўзбекистонликларга салом йўллайман, мен барчангизни яхши кўраман!
Бекзод Толибов ёзиб олди.
“Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Нега Трамп Зеленскийни ёмон кўради?
Озиш учун нонуштанинг учта олтин қоидаси
“Ювентус” ҳимоясини титратиб ташлаган Шомуродовнинг ўйини қандай баҳоланди?
Дунёдаги энг бой араб шайхининг рафиқаси қандай кўринишга эга?
Аббосбек Файзуллаевнинг қачон Қатарга бориши аниқ бўлди!
