28 февраль куни АҚШнинг Лас-Вегас шаҳридаги Sam's Town Hotel & Gambling Hall бокс мажмуасида навбатдаги профессионал бокс мусобақаси ўтказилади, дея хабар тарқатди vRINGe.com сайти. Эътиборлиси, мусобақанинг марказий жангида -63,5 кг вазн тоифасида хамюртимиз Санжарбек Раҳмонов америкалик Кит Хантер билан рўбарў келади.
Фаолияти мобайнида Кит Хантер 11 та жанг ўтказиб, барчасида ғалабага эришган. Андижон бокс мактаби тарбияланувчиси Раҳмонов эса профи боксда 15 та жангнинг 12 тасини ғалаба, 2 та мағлубият ва битта дуранг билан якунлаган. Ҳамюртимизнинг 2 та мағлубиятидан биттасига айнан Хантердан 2019 йилда учраганлигини инобатга олсак, жанг муросасиз кечиши шубҳасиз.
29 февраль куни эса АҚШнинг Техас штати Фриско шаҳридаги The Ford Center at The Star бокс мажмуасида эса ҳамюртимиз Исроил Мадримов венесуэлалик 40 ёшли Чарли Наварро билан -69,9 кг вазн тоифасида баҳслашади. Аҳамиятлиси, ушбу беллашув WBA чемпионлик камари учун даъвогарни аниқлаш учрашуви эканлиги билан кўпчиликда катта қизиқиш уйғотмоқда.
Худди шунингдек, айнан 29 февралда яна бир қатор ёш профессионал боксчиларимиздан Олимжон Назаров, Абдурасул Исмоилов ва Равшанбек Шерматов Камбоджанинг Бавет шаҳридаги беллашувларда иштирок этишади. Олимжон Назаров ўзига тегишли бўлган WBO Oriental камарини филиппинлик Орли Силвестрдан ҳимоя қилса, Равшанбек Шерматов ва Абдурасул Исмоилов маҳаллий боксчиларга қарши рейтинг жангларини ўтказишади.
Тўлқин РЎЗИЕВ
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия армияси Купянскка киргани айтилмоқда
АҚШ Исроилнинг икки вазирига санкция қўлламоқчи
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
АҚШ ҳарбийлари орасида ўз жонига қасд қилиш кўпайди
Туркиянинг Harper’s Bazaar нашри йил аёлини аниқлади (фото)
Организм ўзини токсинлардан қандай тозалайди?
КХДР етакчиси дронларни оммавий ишлаб чиқаришни йўлга қўйишни буюрди
Буйрак саломатлиги учун энг фойдали сабзавот...
