Суперлиганинг 1-туридан ўрин олган "Қизилқум" - "Насаф" (1:3) учрашувидан кейин меҳмонлар бош мураббийи Рўзиқул Бердиев ўз фикрларини билдирди.
“Бугунги ғалабага асосий сабаб бўлган нарса бу хотиржамлик дейишим мумкин. Ўтказиб юборилган голдан сўнг ҳам хотиржамликни сақлаб қолдик ва йигитлар ғалабага ишонч билан ҳаракат қилишди.
Баҳсга яхши тайёргарлик кўрган эдик. Фақат бугун айрим сабабларга кўра бир қатор футболчилар хизматидан фойдалана олмадик. Албатта, мавсумни ғалаба билан бошлаш ёқимли ҳолат ва барчани ғалаба билан табриклайман. Бугун узоқ йўл босиб келиб, қўллаб-қувватлаган мухлисларга миннатдорчилик билдириб қоламан.
Мавсум энди бошланди ва натижалар ҳар хил бўлиши мумкин. Камчиликаримиз бор, тўпни назорат қилиш, қарши ҳужумларни якунлашда. Бунинг устида иш олиб боришимиз керак эканлигини кўриниб қолди.
Бугун режамиз бўйича ҳимояланиб ўйнашимиз керак эди. Аммо ҳимоядаги техник хато туфайли гол ўтказиб юбордик. Баҳс охиригача ўйинни ҳам, натижани ҳам назорат қилдик.
Ўйлашимча "Қизилқум"ни кучли футболчилар тарк этди, уларнинг ўрнига келган янгилар жамоага қўшилиб кетишлари учун вақт керак бўлади.
Марко Станоевич нима учун ўйин қайдномасига киритилмади? У тажрибали футболчи, ёш футболчилар ёнига Раҳматуллаев, Станоевич каби тажрибали ўйинчиларни олиб келдик. Уни майдонга туширишни истагандик, аммо унинг собиқ клуби "Иртиш"дан ҳужжат келиши керак. Бу ҳужжат келиши билан у майдонга тушади. Акмал Мозговой ўйинни яхши бошқариб борди, техник хатолар бўлди, аммо умуман олганда яхши ҳаракат қилди.
Умар Эшмуродов анча йиллар давомида бизнинг клубимизда ўйнаган. У ОЧЛда ўйнашни истаганди, аммо "Пахтакор"да деярли майдонга тушмаётгани учун Шота Арвеладзе билан гаплашиб жамоадан кетмоқчи эканини айтган. Биз ҳозир вазиятни кузатиб бораяпмиз, агар Эшмуродов "Насаф"га қайтса албатта хурсанд бўламиз”, - деди Рўзиқул Бердиев. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Зоир Мирзаев “Телефонсиз мактаб”га 300 млн сўм мукофот берди
Россия дунёдаги биринчи водород ёқилғили автомобилни тақдим этди
АҚШнинг Ғазодаги сиёсатидан норози Давлат департаменти расмийси истеъфога чиқди
Қайси кундалик одатлар иммунитет пасайишига олиб келишини биласизми?
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради