“Зенит” уйда “Урал”ни парчалаб ташлади. Азмунда хет-трик, Дзюбада эса дубль

Россия чемпионатининг 22-тури доирасида пешқадам “Зенит” ўз майдонида “Урал”ни қабул қилиб, 7:1 ҳисоби билан зафар қучди.
Мезбонлар сафида Сардор Азмун хет-трикка эришган бўлса, Артём Дзюба ўз номига дубль расмийлаштирди. Шунингдек, Малком петербургликлар сафида илк голини уришга эришди. Яна бир тўпга эса Себастьян Дриусси муаллифлик қилган. Рақиблардан жавоб голини Андрей Панюков урди.

Зенит – Урал 7:1 (4:0, 3:1)
Голлар: 1:0 – 8 Азмун, 2:0 – 12 Дзюба, 3:0 – 15 Азмун, 4:0 – 27 Малком, 5:0 – 61 Азмун, 5:1 – 65, пенальти Панюков, 6:1 – 69 Дриусси, 7:1 – 72, пенальти Дзюба.
Зенит – Лунев, Иванович, Дуглас Сантос, Ракицкий (Кузяев, 80), Жирков (Мусаев, 46), Малком, Оздоев (Шамкин, 73), Караваев, Азмун, Дзюба, Дриусси.
Урал – Годзюр, Калинин, Мамин, Вилюш (Поляков, 46), Кулаков, Егорычев, Бикфалви, Ефремов (Юсупов, 55), Димитров (Шаболин, 67), Аугустыняк, Панюков.
Огоҳлантиришлар: Калинин (62), Мусаев (75). “Замин” янгиликларини “Инстаграм”да кузатиб боринг