"Барселона" ўйинчилари Роналду 4 ўйинга дисквалификация қилиниши керак деб ҳисоблайдилар

  • Спорт
  • 26-01-2015, 10:55
  • 1 352
  • "Барселона" ўйинчилари Роналду 4 ўйинга дисквалификация қилиниши керак деб ҳисоблайдилар

    "Барселона"нинг бир қатор футболчилари Испания чемпионатиниг 20-турида "Кордова"га қарши ўйинда "Реал" ҳужумчиси Криштиану Роналдунинг қилмишига ўз фикрларини билдирдилар.

    Sport нашрининг хабарига кўра, каталонияликлар бу эпизодни томоша қилганлар ва бир овоздан Роналдунинг камида 4 ўйинга дисквалификация қилиниши кераклиги айтганлар.

    Эслатиб ўтамиз, Роналду учрашувнинг 82-дақиқасида майдон эгалари Эдимарни оёғи билан тепган эди. Ўйиндан сўнг бўлиб ўтган воқеа учун Роналду кечирим сўраган эди.

    Воқеа шу ҳафтада тартиб-интизом қўмитасида кўриб чиқилади.

    Манба: stadion.uz