Бироз аввал ОФК штаб-квартирасида ўсмирлар ўртасидаги Осиё чемпионатига қуръа ташлаш маросими бўлиб ўтди.
Шу йилнинг кузида Баҳрайнда ўтказиладиган чемпионатнинг гуруҳ босқичидаги жамоалар рақибларини билиб олишди. Унга кўра ўсмирлар терма жамоамиз С гуруҳида Жанубий Корея, Австралия ва Ҳиндистон билан куч синашадиган бўлди.
Қуръа ташлаш маросимидан сўнг терма жамоамиз бош мураббийи Олим Шокиров ЎФА матбуот хизматига гуруҳдаги рақиблар борасида ўз фикрларини билдириб ўтди.
- Биз С гуруҳидан ўрин олдик. Рақибларимиз Жанубий Корея, Австралия, Ҳиндистон. Баҳрайнда ўтадиган Осиё чемпионатигача бўлган муддат - 5 ойдан самарали фойдалансак, режаларимизнинг ҳаммаси амалга ошса, ниятимизга етамиз. Квартетимиздаги жамоаларнинг кучли томонларини биламиз. Улардан қўрқадиган жойимиз йўқ.
D гуруҳини ҳам олиб қарасак, Япония, Хитой, Саудия Арабистони ва Индонезия жойлашган. Демак, чорак финалда ҳам рақибларимиз анча кучли бўлади. Шогирдларимиз ўз кучига ишонадиган бўлса, жаҳон чемпионати йўлланмасини қўлга киритишга ҳаракат қиламиз. Гуруҳимиз жуда кучли, лекин ҳаммаси ўзимизга боғлиқ, - деди Ўзбекистон ўсмирлар терма жамоаси бош мураббийи Олим Шокиров.
Маълумот ўрнида, бу йилги ўсмирлар ўртасидаги қитъа биринчилиги 16 сентябрь - 3 октябрь кунлари Баҳрайнда ўтиши режалаштирилган.
Манба: Sports.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ Исроилнинг икки вазирига санкция қўлламоқчи
Организм ўзини токсинлардан қандай тозалайди?
Ҳар қандай катта ёшдаги киши етук эмас
Яхши пишган ва мазали анор танлашга ёрдам берадиган тавсиялар
Apple донгдор икки айфонини расман эскирган деб эълон қилди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Пашинян Арманистоннинг Мустақиллик декларацияни энг катта муаммо ва фожиа деб атади
АҚШ ҳарбийлари орасида ўз жонига қасд қилиш кўпайди
