10:53 / 18.07.2020
1 336

Абдихолиқов, Муҳитдинов, Кенжабоев ва Саитов "Насаф"ни текинга тарк этиши мумкин

Абдихолиқов, Муҳитдинов, Кенжабоев ва Саитов "Насаф"ни текинга тарк этиши мумкин
"Насаф"нинг бир қатор етакчилари клубни эркин агент сифатида тарк этиши мумкин.
Бобир Абдихолиқов, Шароф Муҳитдинов, Дилшод Саитов, Ислом Кенжабоев ва Илҳом Алижонов каби футболчиларнинг "Насаф" билан тузган шартномалари 31 декабрь куни якунига етади (ҳар ҳолда клуб футболчиларни ПФЛдан рўйхатдан ўтказганида ушбу сана кўрсатилган) ҳамда улар 2021 йил 1 январь кунидан бошқа клубга эркин агент сифатида ўтишлари мумкин бўлади.

Шартнома охиригача 6 ойдан кам муддат қолгани боис исталган клуб футболчилар билан музокара олиб бориши ва шартнома тузиш ҳуқуқига эга. Фақат бу ҳақда "Насаф" клубини расман огоҳлантириши талаб этилади.

Бу футболчилар эркин агент сифатида клубдан кетмасликлари учун "Насаф" улар билан шартномани узайтириши талаб этилади. Ҳозирга қадар бу ҳақда ҳеч қандай расмий хабар чиққани йўқ.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)