07:57 / 31.07.2020
457

Туркия футбол чемпионатларида қуйи лигага тушиб кетиш қоидаси бекор қилинди

Туркия футбол чемпионатларида қуйи лигага тушиб кетиш қоидаси бекор қилинди
Фото: Yandex Photos
Туркия футбол федерацияси ва Туркия спорт вазири Меҳмет Қасапўғлу мамлакатнинг турли дивизионларида қуйи лигага тушиб кетиш қоидасини бекор қилди.

Hurriyet нашрининг хабар қилишича, Туркия Суперлигасида сўнгги ўринларни қўлга киритган жамоалар («Ени Малатяспор», «Анкарагужу» ва «Кайсериспор») лигани тарк этмайди ва келаси мавсум ҳам олий дивизионда қолади. Шунингдек, Туркия иккинчи лигасида дастлабки уч ўринни қўлга киритган жамоалар Суперлигага йўл олади.

Шу тариқа Туркия чемпионатидаги иштирокчилар сони 21 тага етади. Аслида Суперлига 18 жамоадан иборат эди. Худди шу тизим қуйи лигаларга ҳам жорий қилинади.

Шунингдек, Туркияда легионерлар ўрнатиладиган лимит (бир жамоада кўпи билан 14 нафар легионер бўлиши ва ўйин вақтида уларнинг 8 нафаридан фойдаланишга рухсат бериш) борасидаги янги қоидаларни жорий қилиш бир йилга кечиктирилади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)