09:50 / 23.08.2020
2 434

Поветкин Уайтни нокаутга учратди. У энди Тайсоном Фьюри билан жанг қилиши мумкин

Поветкин Уайтни нокаутга учратди. У энди Тайсоном Фьюри билан жанг қилиши мумкин
22 август куни Брентвудда (Буюк Британия) профессионал бокс кечаси бўлиб ўтди. «Жангчилар боғи»даги ушбу оқшомдаги асосий жангда россиялик Александр Поветкин ва британиялик Диллиан Уайт тўқнашди. WBC бўйича вақтинчалик жаҳон чемпиони ва WBC Diamond камари тикилган ушбу жанг 40 ёшли россиялик боксчи ғалабаси билан якунланди.

Поветкин тўртинчи раунд давомида икки марта нокдаун ҳолатига тушди, аммо у бешинчи раундда апперкот зарбаси билан рақибни нокаутга учратди.

Александр Поветкин учун бу 2020 йилдаги илк жанг эди. У сўнгги марта 2019 йил декабрида рингга кўтарилган, Саудия Арабистонидаги бокс кечасида Майкл Ҳантерга қарши жанг дуранг натижа билан тугаганди. Ўша турнирда Диллиан Уайт ҳам иштирок этиб, Мариуш Вахни мағлуб этганди. Россиялик боксчи шу вақтгача профессионал боксда 39 жанг ўтказиб, 36 ғалабага (25таси — нокаут билан) эришган, икки бор мағлуб бўлган ва бир жанг дуранг билан тугаган.

Поветкин энди Тайсон Фьюри эгалик қиладиган WBC камари учун мажбурий даъвогарга айланди.
Айни вақтда 32 ёшда бўлган Фьюри ҳисобида профессионал боксда 30 ғалаба (шундан 21таси нокаут билан) ва бир дуранг бор.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Поветкин Уайтни нокаутга учратди. У энди Тайсоном Фьюри билан жанг қилиши мумкин