21:46 / 30.08.2020
2 354

“Барселона” Мессини тамоман синдирмоқчи

“Барселона” Мессини тамоман синдирмоқчи
“Барселона” раҳбарияти Месси борасида яна фикрини ўзгартирди. Энди клуб хўжайинлари аргентиналик ҳужумчини шартнома якунланмагунча ўз сафида олиб қолмоқчи. Бунга Мессининг мавсумолди йиғинига келмагани сабаб бўлди.

“Барселона” Мессини трансфер қилишни истаётган клубларнинг қўнғироғи ва мурожаатларига умуман жавоб қайтармаяпти. Каталонияликлар аргентиналик ҳужумчига бўлаётган ва бўладиган ҳар қандай таклифни рад этишга қарор қилган.

Олдинроқ, “Барса” Мессини 250 миллион фунт эвазига “Манчестер Сити”га қўйиб юборишга розилиги айтилганди. Энди Месси клубни тарк эта олмаса ёки “Барса” билан келишувга эришмаса, футболдан четда қолиши мумкин. Бир неча ой футболдан ташқарида қолган ҳар қандай юлдуз ҳам қисқа фурсатда яроқсиз футболчига айланиб қолиши табиий ҳол.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)