“Ростов” собиқ устози: “Шомуродовга Европадаги фаолиятини бошлаши учун Италия жуда мос келади”

Россиялик мутахассис Дмитрий Кириченко “Ростов” форварди Элдор Шомуродовнинг “Женоа”га ўтиши ҳақидаги гап-сўзларга муносабат билдирди.
- Бу олдинга қадам, эртами-кеч у буни қилиши керак эди, дея сўз бошлади Кириченко. – Бу “Ростов”нинг Европа Лигасидан чиқиб кетиши билан боғлиқ ё йўқлигини билмайман. Бироқ, эҳтимол бу ҳам таъсир ўтказгандир. Италия – Шомуродов учун ажойиб танлов. Англияда эса қийинроқ бўларди. Элдор – меҳнаткаш, тезкор, позицияни яхши танлайди, омадсиз серияга қарамасдан гол уришни ҳам уддалайди. У ёш ва Европадаги фаолиятини бошлаши учун Италия жуда мос келади.

Ўйлашимча, “Ростов” кўп нарса йўқотмайди. Полоз, Ионов ва улар каби бош билан ёмон ўйнайдиган ҳужумчилар бор. Шомуродовга яхшигина сумма тўлашмоқчи – 8-9 млн евро. “Ростов”нинг еврокубокларда иштирок этмаётганини ҳисобга олсак, нега бундай бўлмаслиги керак?, дея сўзларини якунлаган донликлар собиқ мураббийи. “Замин” янгиликларини “Youtube”да кузатиб боринг