Канчельскис «Навбаҳор» томонидан тўланиши керак бўлган компенсация ҳақида: «Улар ҳаммасини тинч йўл билан ҳал қилмоқчи»

^{Фото: «Навбаҳор» ФК}
Россиялик мутахассис Андрей Канчельскис «Навбаҳор» билан тузилган шартномасининг бекор бўлганидан кейин тўланиши керак бўлган компенсация ҳақида фикр билдириб ўтди.

9 октябрь куни «Навбаҳор» Канчельскисни истеъфога чиқаргани маълум бўлганди. Шунингдек, мутахассис тўрт ойдан буён маош олмаётгани ва бу борада ФИФАга шикоят қилиш ниятида экани айтилганди.

- "Ҳозирча «Навбаҳор» билан мунозара кетмоқда, улар тинч йўлдан бормоқчи. Музокаралар олиб боряпмиз, менга ҳам, уларга ҳам ортиқча тортишув ва шовқин керак эмас. Шартнома бор ва унда тўланиши керак бўлган миқдор кўрсатиб қўйилган. Улар томонидан ҳозирча ҳаммаси жойида ва аниқ.

Ўйлашимча, бир ҳафтадан кейин масалани ҳал қиламиз. Улар қўнғироқ қилишни бошладими, демак, ҳаммаси тинч ўтишини истамоқда", - дейди «Навбаҳор» собиқ бош мураббийи Андрей Канчельскис.

Канчельскис 2018 йилнинг октябрида наманганликлар бошқарувига келганди. Мутахассис 2019 йилнинг августида истеъфога чиқарилган, бироқ ўша йилнинг ўзида яна ўз лавозимига қайтарилганди. “Замин” янгиликларини “Youtube”да кузатиб боринг