21:36 / 19.10.2020
692

Андрей Микляев: "Бунёдкор" қандай ўйнашини биламиз

Андрей Микляев: "Бунёдкор" қандай ўйнашини биламиз
"Локомотив" ва "Бунёдкор" жамоалари ўртасидаги беллашувдан сўнг ташкил этилган матбуот анжуманининг иккинчи қисмида мезбон жамоа бош мураббийи Андрей Микляев ўйин хусусидаги фикрлари билан ўртоқлашди:

"Кўп гапириб ўтиришнинг ҳожати йўқ. Аввало, жамоамга 3 очкога эга бўлганимиз учун раҳмат айтаман. Ўйин жанговар ва асабий руҳда кечди. Иккала жамоа ҳам мағлубиятга учрашни истамагани кўриниб турди.

"Бунёдкор" қандай ўйнашини биламиз: тезкор, техник жиҳатдан юқори савиядаги футбол намойиш этишади. Биз улар ерда яхшироқ ўйнашини англаган ҳолда, бунга қарши чора топишга урундик. Ўйлайманки, узун паслар билан ўйнаш режамиз иш берди ва яхши имкониятларга кўпроқ эга бўлдик. Жамоам ўйинидан қониқдим.

Жумабоевнинг ўйини яхши чиққанидан хурсандмиз. У бир нечта позицияларни ёпишга қодир бўлган яхши футболчи. Ўзимизнинг тарбияланувчимиз. Унинг учун жуда ҳам хурсандман. Биз бундан кейин ҳам иложи борича максимал натижа қайд этиш учун ҳаракат қиламиз", - деди мураббий.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)