22:47 / 11.11.2020
965

Абрамов: "Терма жамоа ўйнар экан натижа ҳар доим биринчи ўринда бўлиб қолади"

Абрамов: "Терма жамоа ўйнар экан натижа ҳар доим биринчи ўринда бўлиб қолади"
Ўзбекистон миллий терма жамоаси кеча БААда майдонда ўзининг дастлабки машғулотини ўтказди.
Терма жамоамиз бош мураббийи Вадим Абрамов ЎФА матбуот хизматига ўзининг фикрларини билдириб ўтди.

"Ҳеч нарсани яширишнинг ҳожати йўқ, кеча бу ерга етиб келдик. Қоидага кўра коронавирусга тест топширдик ва жавобини кутдик. Илк кунги машғулотларни тренажёр залида олиб бордик.

Бугун умумий таркиб билан машғулотларга киришган бўлсак, 11 ноябрь куни кечки пайт ўйиндан олдинги машғулотни ўтказамиз. Боз устига назарий машғулотлар ҳам ўтказишимиз даркор. Мақсадимиз ички чемпионатда тўп тепаётган футболчиларнинг ҳолатини яна бир бор кўздан кечириш. Турли сабабларга кўра айрим легионерлар кела олишмади. Пандемия яна қанча давом этади буни билмаймиз. Шу боис ички чемпионатда ўйнаётган ва аввал терма жамоага кам чақирув олган футболчиларни жалб қилдик. Бу улар учун ҳам халқаро тажриба вазифасини ўтайди.

Умуман олганда бўлажак учрашувларга тайёргарлик режадагидек давом этяпти. Рақибларни ўрганяпмиз, улар ҳам бизни ўрганаётгани аниқ. Биз ўз ўйинимизни ташкил қила олишимиз керак. Футболчилар биз талаб қилаётган ўйинни ва услубни қай даражада тушуниб олишлари муҳим.

Терма жамоа ўйнар экан натижа ҳар доим биринчи ўринда бўлиб қолади. Янги футболчиларни синаб кўрамиз, шу билан бирга ижобий натижани ҳам қайд этамиз деган умиддаман
", - дейди Вадим Абрамов ЎФА матбуот хизматига.

Эслатиб ўтамиз, Сурия - Ўзбекистон учрашуви 12 ноябрь куни Тошкент вақти билан соат 20:00да бошланади. Баҳс "Шаржа" стадионида бўлиб ўтади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)