Пеле ўзига тегишли рекордни такрорлаган Лионель Мессига мурожаат қилди

^{Фото: Twitter}
«Сантос» клуби ва Бразилия терма жамоаси собиқ ҳужумчиси Пеле ўзининг битта жамоа сафидаги голлари сони бўйича рекордини такрорлаган Лионель Месси ҳақида фикр билдирди.

- "Қалбингни муҳаббат қоплаб олган вақтда, ўз йўлингни ўзгартиришинг қийин. Ҳар куни киядиган битта либосни қай даражада севишингни жуда яхши биламан. Худди сен каби ўз уйингдек кўрадиган бу маскандан яхшироқ жой йўқлигини биламан.

Сени бу тарихий кўрсаткич билан табриклайман, Лионель. Бироқ аввало сени «Барселона»даги ажойиб фаолият билан муборакбод этаман. Афсус, сен ва мен каби бир клубга содиқ қоладиганлар борган сари камайиб кетмоқда.

Сенга таҳсин айтаман, Лионель Месси", - деди Пеле.

Эслатиб ўтамиз, Месси «Барселона» сафида ўзининг 643-голини урди ва бу борада Пеленинг рекордини такрорлади. «Замин»ни Telegram’да ўқинг!