09:38 / 16.01.2021
2 794

Элдор Шомуродовга Россиядан рақобатчи келади

Элдор Шомуродовга Россиядан рақобатчи келади
Россия премьер-лигасида ўйнаган Элдор Шомуродов Италия футболида ўзини кўрсатганидан кейин “Женоа” раҳбарияти рус жамоаларидан яна футболчи олишга қарор қилди.

Бу гал генуяликлар ЦСКАнинг аргентиналик ҳужумчиси Адольфо Гайчни трансфер қилишни режалаштирмоқда.

Шундай бўлса-да, бу футболчини олиш учун Давиде Баллардини жамоаси раҳбарлари анча тер тўкиши керак. Гайчга Бундеслигадан таклифлар бўлмоқда. Туркия Суперлиганинг етакчи жамоалари ҳужумчини қўлга киритишда дастлабки қадамларни ташлади.

“Трабзонспор” Гайчни бир ярим йиллик ижарага олиш бўйича ЦСКАга расмий мурожаат йўллаган. “Бешиктош” ҳам бу ҳужумчи учун курашмоқда. “Бока Хуниорс” истеъдодли форвардни Аргетинага қайтаришга ҳаракат қилмоқда.

Қизиғи шундаки, ёзда 8,5 миллион еврога олинган ҳужумчи Россия премьер-лигасида 13 та учрашувда майдонга тушиб бирорта гол уролмади. Шу боис, “армиячилар” раҳбарияти ундан тезроқ қутилмоқчи.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Элдор Шомуродовга Россиядан рақобатчи келади